Kush qan më shumë kur shikon në film: femrat apo meshkujt? Sipas kërkuesve në Universitetin Cardiff, femrat janë shumë herë më të afta se meshkujt për të kontrolluar dhe përballuar emocionet e shkaktuara duke bërë që të mbajnë më shumë lotët në krahasim me meshkujt.
“Rezultatet tona sugjerojnë se një eksperiencë motive negative, siç është parja e një filmi dramatik, për femrat, shndërrohet në një eksperiencë pozitive, në rast se ajo ndahet me një mik apo një mikeshë”,- ka shpjeguar psikologu Job van der Schalk në studimin e publikuar në revistën shkencore “Social Cognitive and Affective Neuroscience”.
Kërkimi ka përfshirë 30 çifte në moshën nga 20 në 33 vjeç, të cilëve iu është kërkuar të vlerësojnë disa imazhe sugjestionuese, duke i matur nga ekstremist negative në ekstremist pozitive.
Sipas rezultateve, vajzat që kanë parë imazhet në shoqërinë e një mikeshe apo të një miku, e kanë vlerësuar në mënyrë pozitive eksperiencën e përjetuar.
Sipas profesorit holandez Ad Vingerhoets, ka një mënyrë shumë të ndryshme të përjetimit dhe derdhjes së lortëve, mes femrave dhe meshkujve. Në librin e tij “Why Only Humans Weep: Unravelling the Mysteries of Tears” (Pse vetëm qeniet njerëzore qajnë: zbulohen misteret e lotëve), psikologu flet për një diferencë shumë të madhe në reagimin që meshkujt dhe femrat kanë përballë situatave emocionuese.
“Femrat duket se janë më shumë empatike dhe lidhja e tyre me femrat e tjera janë nga natyra më të ndryshme se sa lidhjet e meshkujve mes tyre. femrat janë më të përgjegjshme nga natyra, sa i takon lidhjes me fëmijët dhe parja e një filmi të trishtuar apo leximi i romaneve të trishtë që flasin për fatkeqësi shkakton të tjera reagime tek ato”,- thotë Vingerhoets./tesheshi.com/
