Një lajm tronditës i publikuar në Mirror po bën xhiron e botës dhe ka tronditur qindra persona që e kanë marrë vesh. Bëhet fjalë për fëmijë që nxirren në shitje në Instagram për 600 ose 700 euro.
Policia ka mbyllur profilin në Instagram dhe po heton për të kuptuar nëse bëhet fjalë për një realitet të hidhur apo vetëm për një shaka me shije të keqe.
Themeluesit e kësaj llogarie në Instgram janë nga Indonezia dhe në bazë të hetimeve paraprake dyshohet se është vetëm një shaka pa baza reale. Policia e Xhakartës ka arritur të kontaktojë me personin përgjegjës.
“Kur mbërritëm në vendin ku jepej adresa, gjetëm një zyrë të një fondacioni katolik që ofron strehim peër adoleshentët. Nuk kemi gjetur asnjë fëmijë dhe na kanë treguar të gjitha dokumentet ligjore të fondacionit. Nëse ka qenë një shaka, duam të dimë arsyen e saj”,- ka thënë policia.
Fondacioni Santa Marta, ku policia ka bërë hetimin dhe ka kontrolluar zonën, është shprehur zyrtarisht se nuk është aspak në dijeni të këtij fakti. /tesheshi.com/
