Ka nisur punën seanca e sotshme e kuvendit të Kosovës. Seanca nisi me betimin e dy deputetëve të rinj, që zëvendësojnë dy të tjerë.
Kryesuesi i seancës, Xhavit Haliti bëri të ditur se Fatmir Xhelili do të zëvendësojë Azem Sylën e PDK-së, që ka dhënë dorëheqje (ndodhet në paraburgim – plotësim ynë), Shukri Buja, po ashtu i PDK-së, zëvendëson Enver Hoxhajn, i cili ka rimarrë postin ministrit të Jashtëm të vendit, pas zgjedhjes president të Hashim Thaçit, ndërsa Driton Çaushi i Vetëvendosjes zëvendëson Besnik Bislimin, i cili ka dhënë dorëheqje nga posti i deputetit për t’iu përkushtuar punës në parti, siç është raportuar.
Ndërsa dy të parët bën betimin para Parlamentit, ky i fundit meqë kishte njoftuar mungesën, do të betohet në seancën e ardhshme. /tesheshi.com/
