Rana, një nënë e katër fëmijëve, jeton në Jamarana, një periferi relativisht e sigurtë e Damaskut që nuk është e prekur nga bombardimet e rënda të luftës në Siri.
“Kur na u desh të largoheshim në këtë zonë për të gjetur siguri, ne nuk kishim para të mjaftueshme për të marrë me qira një vend më të mirë. Ne nuk kemi para për të blerë dyshekë dhe batanije, apo rroba për fëmijët“, i tha Rana Kryqit të Kuq.
Rana u desh të heqë dorë nga puna e saj si mësuese në mënyrë që të kujdeset për familjen e saj, por kushtet në të cilën ajo dhe fëmijët e saj jetojnë vështirë se do të përballojnë të ftohtit e dimrit që po afrohet. Rana bashkë me fëmijët e saj Hala, Omar, Hib dhe Afaf janë të varur nga ndihmat ushqimore të Gjysmëhënës së kuqe arabe të Sirisë, SARC.
Një nismë e re nga Kryqi i Kuq në Norvegji është dhe IKEA, e dizajnuar nga agjencia për reklama POL, e cila ka për qëllim përçimin e realitetit të një shtëpie në mesin e luftës civile, duke krijuar një kopje identike të vendbanimit të Rana-s.
Projekti i quajtur “25 metra të Sirisë” ka ngritur një fole në një dyqan të IKEA-s në periferi të Oslos. Ky projekt përmban informata për familjen e Rana-s dhe luftën atje.
“Ne kemi punuar me Kryqin e Kuq me muaj, kështu që kemi siguruar pamje të shumta nga Siria. Por pa marrë parasysh sa ka qenë emocionale, asgjë nuk u krahasohet me përvojën e të vizituarit të njerëzve në një zonë lufte”, thotë në një deklaratë Maja Folgero, pjesë e fushatës.
“Ne e kuptuam se mund t’u ofrojmë norvegjezëve këtë përvojë nga IKEA. Në një vend ku ju mendoni dhe planifikoni të ardhmen, ky apartament shërben si një kujtesë fizike se sa me fat jemi”, thotë ajo.
Kopja e shtëpisë së Rana-s ishte një projekt tepër i suksesshëm ndërgjegjësimi. Krijuesit e fushatës thonë se 40,000 njerëz kanë vizituar dyqanin që nga koha kur instalacioni u hap në tetor dhe shumë prej tyre vetëm për të parë një shtëpi siriane.
Me këtë rast janë mbledhë fonde në vlerë prej 19 milion funta në drejtim të ndihmave humanitare në Siri, njofton Kryqi i Kuq.
“Vendosja e një shtëpi siriane afër shtëpive skandinave ishte padyshim një veprim i guximshëm nga IKEA, por ata arritën të bëjnë më të qartë se cilado reklamë televizive se sa e rëndësishme është të dhurosh dhe të ndihmosh njerëzit në nevojë“, shtoi zonja Folgero. /tesheshi.com/
