Familjarët e viktimave të masakrës së Rezallë kanë dorëzuar kallëzimin penal në Prokurorinë Speciale ndaj dy të personave – Lubisha Dikoviçit, që ishte komandat i Brigadës 37 të Motorizuar në Armatën Jugosllave, dhe Dejan Rangjelloviçit, komandat i Batalionit të 2-të të kësaj Brigade, për vrasjen dhe masakrimin e 41 civile shqiptarë, më 2 prill të 1999.
Arianit Koci, avokat, ka thënë se është koha e fundit që të ndalim fjalët dhe të veprojmë, andaj ftoi prokurorinë që të punojë dhe që gjykatat ta gjykojnë këtë rast. Ai ka thënë se ka fakte dhe dëshmitarë për dyshimet, të cilat i ka shtruar në këtë padi për krime luftës të bëra në Rezallë.
Rrustem Rukolli ka folur në emër të familjarëve, raporton KTV. Ai ka shfaqur dyshime se duke marrë për bazë se gjykatat në Kosovë kanë refuzuar të merren me krime lufte, nuk shpreson shumë se do të bëhet diçka, por kërkon që të zbardhet e vërteta dhe kryesit e masakrës të nxirren para drejtësisë dhe të dënohen për krimin e bërë.
I akuzuari kryesor i këtij kallëzimi penale, Lubisha Dikoviç aktualisht është shef i Shtatmadhorisë së Armatës Serbe dhe në fillim të viti ishte në Kosovë në një takim me komandantin e KFOR-it. Dikoviç, po ashtu, gëzon mbështetjen e zyrtarëve më të lartë të Serbisë. /tesheshi.com/
