Boksieri shqiptar Gjetan Keta do të ndeshet me kampionin turk Gökalp Özekler i njohur me llagapin “Sultan” në 19 shkurt të këtij viti me synimin për titullin kampion bote i njohur si “interkontinental”.
“Sultan”-i ka 22 ndeshje në boksin profesionist dhe ka regjistruar vetëm një humbje. Ndërsa jep lajmin vëllai i Gjetanit, Ismaili ndan me dashamirësit e boksit edhe një tjetër lajm. Kjo përballje e madhe pritet të ndodhë në Tiranë.
Ismail Keta shpreh dëshirën dhe qëllimin e tij që kjo ndeshje të zhvillohet në Shqipëri nëse kundërshtari do të pranojë dhe nëse televizoni gjerman SAT 1 që ka të drejtat e transmetimit, e aprovon.
Gjetan Keta është një yll në ngjitje të familjes së boksierëve Keta me shumë medalje e tituj. Vetëm një vit më parë Gjetani mbrojti me sukses titullin Euroaziatik dhe të Paqësorit në peshën e mesme të versionit WBC, duke zhvilluar një ndeshje të jashtëzakonshme në “Gerry weber Stadion” të Halles, ku fitoi me K.O në raundin e tretë. /tesheshi.com/
