Fajdetë e ndyra në Shqipëri me emrin e bukur mikrokredi: vjen vetëvrasja e dytë…

Hedhja nga lartësia e një nga të akuzuarit, ditë pas një i zhvatur piu fostoksinë

Ka marrë një tjetër përmasë tragjike skandali i mikrokredive, një lloj fajdeje e pastër dhe e ndyrë, e cila ka regjistruar viktimën e dytë.

Pas vdekjes së një prej klientëve të rrjepur keqaz prej tyre, Pal Trashaj, i cili ndërroi jetë në spital pasi piu fostoksinë para SPAK-ut, radhën për vetëflijim e ka patur një nga të akuzuarit, djalë i ri, Olsi Ibro. Ai është vetëvrarë këtë të shtunë duke u hedhur nga lartësia e një pallati në Tiranë.

Kjo ngjarje vjen një ditë pas sekuestrimit të dy shoqërive, Micro Credit Albania dhe Final, të dyshuara se kryen mashtrim me pasoja të rënda në dëm të mijëra qytetarëve, si dhe më pas pastruan para.

Dy shoqëritë e sekuestruara në bashkëpunim me ADCA dhe shoqëri përmbarimore krijuan një skemë për të vjedhur qytetarët në vlera disa milionë euro.

Prokuroria thotë se përmes presionit psikologjik dhe përndjekjes, qytetarët u detyruan të merrnin kredi të dyta.

Pasuritë e përftuara dhe të bllokuara në mënyrë të paligjshme dyshohen se më pas janë investuar dhe ndaj akuzua po heton edhe për pastrim parash. /tesheshi.com/