Komisioneri Hahn, të cilit i është bërë Shkupi si shtëpia e tij për shkak të krizës në politikën maqedonase, do i duhet që të udhëtojë sërish për aty, kësaj here për të zgjidhur ngërçin e ri, atë të datës së zgjedhjeve. Opozita nuk pranon që ato të zhvillohen me datë 24 prill, me arsyetimin se nuk është koha e mjaftueshme për të pastruar listat zgjedhore.
Dhe ka propozuar 5 qershorin si një datë tjetër alternative, për të cilën, nga goja e Ali Ahmetit doli dhe deklarata “bombë” se nuk është e mundur për shkak të muajit të Ramazanit. E pra, Hahn do vijë sërish, ndërkohë që të martën ka një takim në Bruksel me z/kryeministrin për eurointegrime të Maqedonisë, Fatmir Besimi.
Kur ndodhet në Shkup, ai do ketë biedime të ndryshme për t’u konsultuar mbi datën e zgjedhjeve, ku do takohet përgjithësisht me ekspertë, por nuk dihet nëse do takohet dhe më klerikë myslimanë për të marrë prej tyre ndonjë opinion se a mund ta zhvillohet proçes votimi edhe përgjatë Ramazanit. Kjo, për shkak arsyes së pretenduar nga kreu i BDI-së, Ali Ahmeti. /tesheshi.com/
