Presidenti turk, Recep Tajip Erdogan ka paralajmëruar ditën e sotme Bashkimin Europian se Turqia mund të zgjasë gjendjen e emergjencës për të paktën tre muaj të tjerë.
Në një fjalim të tijin në Stamboll, Erdogan sulmoi edhe një herë tjetër Bashkimin Europian pasi Parlamenti Europian votoi këtë të enjte ngrirjen e bisedimeve për anëtarësimin e Ankarasë.
Ai kërcënoi se do të rivendoste dënimin me vdekje dhe për këtë do të dëgjonte fjalën e popullit turk e jo të “Hansit” apo të “Xhorxhit”, dy emra tipikë europianë.
“Ndoshta gjendja e emergjencës do të vijojë për tre muaj apo edhe tre muaj të tjerë pas tremujorit të parë. Ky është një vendim i qeverisë dhe i parlamentit”, – ishin fjalët e Edroganit.
Ai shtoi me ton të ashpër: “Kush është përgjegjës dhe në krye të këtij shteti: Parlamenti Europian apo qeveria e Turqisë? Duhet ta dini kush është vendi juaj”./tesheshi.com/
