Turqia ka filluar dërgimin e trupave të saj në Libi, tha Presidenti turk Rexhep Tajip Erdogan në një intervistë me CNN Turk të dielën.
“Ushtarët tanë gradualisht po largohen”, tha udhëheqësi turk.
“Do të ketë një qendër operacioni (në Libi), do të ketë një gjeneral-lejtnant turk për të menaxhuar situatën atje”, shtoi Erdogan.
Tani për tani nuk dihet se sa trupa dhe çfarë njësish dërgon Turqia në Libi. Sipas raportit, Erdogan foli për “ekipe të ndryshme” që do të marrin përsipër koordinimin.
Siç shpjegoi lideri turk, qëllimi i forcave të armatosura të këtij vendi nuk është të luftojnë por të sigurojnë një armëpushim në Libi duke mbështetur një qeveri të ligjshme në Tripoli.
Ankaraja dhe Tripoli nënshkruan një memorandum bashkëpunimi për mbrojtjen në 28 nëntor.
Qeveria e njohur ndërkombëtarisht e kryeministrit Fayez al-Saraj ka kërkuar ndihmë ushtarake nga Turqia. Por pozicioni i qeverisë së tij u trondit nga gjenerali Khalifa Haftar, ushtria e të cilit është përpara Tripolit dhe mbështetet nga Franca, Rusia, Egjipti dhe Emiratet e Bashkuara Arabe. /tesheshi.com/
