Kryeministri Edi Rama ka mbledhur sërish sot Zyrën Operacionale në Kryeministri, ku veç ministrave të linjës dhe drejtuesve të institucioneve të emergjencave, merrte pjesë edhe Shefi i Shtabit të Përgjithshëm të Forcave të Armatosura Jeronim Bazo.
Rama e ka pyetur Bazen në lidhje me shembjen e një ure në qytetin e Vlorës dhe masat e marra nga ushtria, por Baze u duk që nuk kishte dijeni në lidhje me këtë çështje. Ai nisi të fliste në përgjithësi për problematikën, ndërsa Rama e ndërpreu në moment duke i kaluar fjalën ministres Kodheli, për të dhënë informacionet më të fundit.
“Sa i përket në përgjithësi situatës ne jemi në të njëjtat parametra të gatishmërisë, të pranishëm në të gjithë territorin e vendit pavarësisht përmirësimeve që ka pësuar situata e motit në veri ne prapë të pranishëm 24 orë”, – tha Baze.
I menjëhershëm ishte reagimi i Ramës, i cili u shpreh: “Ok, pra se duhet të korrigjoni informacionin sepse njerëzit janë nisur ndërkohë gjeneral, kështu që po ja kaloj ministres fjalën për një përditësim me këtë çështje se kemi komunikuar me ministren mbrëmë vonë natën pasi morëm dhe edhe gjithë informacionin nga terreni”./tesheshi.com/
