Klubet ruse të futbollit nuk do të kenë mundësi të transferojnë futbollistë me origjinë turke në mini-afatin kalimtar të janarit, ka bërë të ditur ministri rus i Sportit, Vitaly Mutko.
“Në qoftëse ka ndonjë skuadër që planifikon të nënshkruajë më ndonjë lojtar turk gjatë merkatos të janarit, atëherë iu bëjmë me dije që nuk do të kenë mundësi. Nuk dëshirojmë t’i ekzagjerojmë gjërat, mirëpo skuadrat tashmë e kanë marrë njoftimin dhe mesazhin e duhur”, komentoi Mutko, lidhur me embargo ekonomike që Rusia e ka vendosur ndaj Turqisë.
Gjithashtu, ministri Mutko deklaroi se ky vendim nuk ka të bëjë aspak me futbollistët tjerë që vijnë nga Turqia, që aktualisht luajnë në kampionatet ruse.
“Të gjithë futbollistët që kanë kontrata të rregullta do të vazhdojnë të bëjnë punën e tyre”, theksoi Mutko.
Ndërkohë i pyetur lidhur me kompanitë turke që kanë fituar tendera për rikonstruksionin e stadiumeve për Kampionatin Botëror “Rusia 2018”, ai theksoi:
“Për momentin ato kontrata do të respektohen, mirëpo ju siguroj që në të ardhmen nuk do të kenë më asnjë mundësi”, përfundoi Mutko.
Rusia vendosi embargo ekonomike ndaj Turqisë, duke u hakmarrë kështu për rrëzimin e avionit rus nga forcat ajrore turke.
/tesheshi.com/
