Një sasi prej 150 gram eksploziv c4 i është vendosur automjetit tip “Hummer”, në pronësi të presidentit të skuadrës së futbollit të Kamzës, Naim Qarri.
Fatmirësisht shpërthimi nuk ka shkaktuar dëme në njerëz, ndërsa makina, e cila ishte e parkuar, është dëmtuar në pjesën e parme.
Grupi hetimor ndodhet në vendit e shpërthimit, dhe po punon për identifikimin e autorëve dhe sqarimin e plotë të rrethanave të ngjarjes.
Ndërkohë, Naim Qarri pas ngjarjes tha se nga policia ishte njoftuar për vendosjen e eksplozivit në automjetin e tij, ndërsa pohoi se nuk ka borxhe dhe as konflikte me askënd. /tesheshi.com/
