Një eksperiment me të vërtetë i veçantë është ai që ka realizuar 50-vjeçari George Prior, i cili ka dashur të tregojë se sa shumë e dëmtojnë trupin dhe vetë organizmin pije të ngjashme me Coca Colan dhe vetë ajo.
Për një muaj të tërë ai ka pirë çdo ditë 10 kanoçe me këtë pije. Është një sasi e madhe, por jo dhe aq absurde, po të mendosh se gjysma e amerikanëve konsumojnë gati-gati të njëjtën sasi çdo ditë.
Efektet e kësaj pije në organizëm janë vënë re shumë shpejt, pa ndryshuar stilin e jetës apo zakone të përditshme që ai i kryente më parë. Ai nisi të shtojë në peshë dhe të humbë masën muskulare. Gjatë një muaji pesha e tij ndryshoi nga 76 në 87 kilogramë dhe presioni i gjakut ndryshoi nga 129/77 në 145/96.
Gjëja më e keqe që mendohet se i ndodhi, ishte se George nisi të ketë një dëshirë të brendshme për të konsumuar Coca Cola, si të kishte krijuar varësi nga pija. “Njerëzit duhet të jenë të ndërgjegjshëm për rreziqet e kësaj pije në dietën e tyre ushqimore”,- ka thënë ai në fund të eksperimentit. E në fund të fundit, a nuk ka të drejtë? /tesheshi.com/
