Nga redaksia
Mitrovica, pjesa veriore e Kosovës dhe po ashtu e këtij qyteti, janë shndërruar në strehë për kriminelë serbë të cilët u ikin organeve të drejtësisë në Serbi.
Dhe për pasojë, krimi në Veri këto ditë ka shënuar rritje, sidomos vjedhja e makinave, ndërsa që qytetarë e rëndomtë serbë kanë frikë për jetën e tyre e të fqinjëve nga këto grupe bashkëatdhetarësh kriminelë që janë të kërkuar nga drejtësia në Serbi.
Portali tesheshi.com, ka siguruar një dokument të policisë së Kosovës mbi ndalimin e një mashkulli dhe një femre, shtetas të Serbisë, pasi në makinën e tyre janë gjetur armë si dhe tel për mbytjen e njerëzve.
Por dhe pas kësaj, ata janë lënë të lirë me urdhër të Prokurorit.
Në raportin e policisë të datës 09. 08. 2015 thuhet se: “në fshatin Jarinje e Poshtme, të Leposaviqit, policia e Kosovës ka ndaluar një makine të Beogradit me targa; BG 838 SL pronë e kompanisë DOO “Beograd” renta Car, të cilën e ngiste shoferi Ninosllav Millosheviq, i lindur në qytetin e Krushevcit të Serbisë si dhe pasagjerja Ivana Jovanoviq, e lindur në qytetin e Begradit”.
“Pas kontrollit të makinë në Stacionin e Policisë në Leposaviq, policia e Kosovës ka gjetur dhe konfiskuar një revole të llojit ‘VZOR’ të prodhimit ccek me 6 plumba, si dhe një thikë gjuetie”, thuhet në raportin e Policisë së Kosovës.
Pa ashtu burime të tjera të portalit tesheshi.com bëjnë të ditur se gjatë natës së kaluar në një kafiteri në rrugën ‘Kral Petri” në veri të Mitrovicës, kapoja i krimit në veri të Mitrovicës dhe Kosovës M. Radonjqiq, është parë në shoqëri të 4-5 personave të gjithë të ardhur nga qyteti i Krushevcit të Serbisë.
Një burimi i portalit tesheshi.com, ka theksuar se në mesin e personave nga Kryshevci që kanë shoqëruar Radonjqiqin kanë qenë Pegja Vukosavleviq dhe personi tjetër me nofkën Penzija, të cilët dyshohen se kanë kryer vrasje në Serbi, dhe janë në kërkim nga organet e ndjekjes së shteti Serb.
Personat e ikur nga drejtësia e Serbisë e që janë duke u strehuar në veri të Mitrovicës, banojnë në ndërtesën shumëkatëshe e njohur me emrin ‘RIO’, në rrugën ‘Vllada Çektoviq’, strehë të cilën iu ka siguruar Radonjiqiq.
Zyrtarë të Policisë së Kosovës në Mitrovicë lidhur me këtë ka theksuar se: “në rastin e parë policia në veri ka kryer detyrën e saj dhe se persona e dyshuar për armëmbajtje pa lejë janë dorëzuar para Prokurorit, me urdhrin e të cilit ata janë liruar me proccedurë të rregullt”.
Në anën tjetër sa i përket personave që janë parë në shoqëri të M. Radonjiqiqit, zyrtari i policisë ka shtuar se: “Policia e Kosovës nuk ka ndonjë informacion se ata janë persona të kërkuar nga drejtësia serbe, pra ata janë të lirë të qëndrojnë në Kosovë deri sa nuk kërkohen zyrtarisht nga Serbia, apo të bien ndesh me ligjin në Kosovë”.
Në anën tjetër, një qytetar serb nga veriu i Mitrovicës që ka pranuar të flasë, me iniciale M.M* e që është emër i njohur për redaksinë, ka theksuar se: “çdo herë kur në veri të Mitrovicës grumbullohen persona që i kanë ikur drejtësisë së Serbisë, këtu ndodhin vrasje e gjëra të tjera të këqija, duke përmendur vrasjen e Dimitrije Janiqieviqit si dhe të doganierit të EULEX-it”.
“Përmenda vetëm këta dy, por ka edhe shumë të tjerë që janë vrarë në veri e që kurrë këto vrasje nuk janë zbardhur”, ka thënë qytetari serb M.M.
Policia e Kosovës në veri të Mitrovicës dhe Kosovës e dinë se ku banojnë këta persona dhe asnjëherë nuk kanë marrë iniciative që një herë të kontrollohet banesa ku ata janë të vendosur, ka theksuar M.M.
Sipas tij, dyshohet se këta janë personat kyç në vjedhjen e makinave që është duke ndodhur me të madhe në jug të Mitrovicës e që po dërgohen përmes rrugëve ilegale në Serbi.
“Makina ma të kërkuar për t`u vjedhur janë ato të mërgimtarëve, pra makina të kryesisht të viteve të fundit të prodhimit si Audi A5/A6 dhe BMW X5, 6, 7, kryesisht me targa të vendeve tjera, pa përjashtuar edhe ato me targa vendore”, ka thënë M.M.
Në anën tjetër, zëdhënësi i Policisë së Kosovës për rajonin e Mitrovicës i ka thënë portalit tesheshi.com. se policia e Kosovës është duke u marrë intensivisht me rastin e vjedhjes së makinave që ditëve të fundit është shpeshtuar.
Zëdhënësi, Zahiti ka shtuar se polica kërkon nga pronarët e makinave që të rrisin kujdesin ndaj tyre dhe të mos i parkojë vend e pa vend si dhe në vende ku janë të errëta. /tesheshi.com/
*M.M (Momqillo Milisavleviq 54-vjeçar).
