Para pak çastesh sapo ka zbritur në aeroportin e Shkupit aeroplani me të cilin udhëton ekipi i Real Madrid, që do të luajë përballë Manchester United, në finalen e Superkupës së UEFA-s.
Duke pasur parasysh sigurinë e lartë të futbollistëve, në hapësirat e aeroportit ishte e ndaluar edhe qasja e mediave, ndaj arritjen e tyre në Shkup, madrilenët e kanë bërë të ditur nëpërmjet faqes së tyre zyrtare në facebook.
“Kemi arritur në Shkup”, shkruhet në faqen e Realit të Madridit.
Ndryshe nga ajo që ishte paralajmëruar më parë, ku thuhej se Reali i Madridit do të udhëtojë në Shkup pa futbollistin më të mirë të skuadrës, Kristiano Ronaldon, ai sot zbriti në aeroportin së bashku me bashkëlojtarët e tij.
Së shpejti pritet që në aeroportin e Shkupit të zbarkojë edhe aeroplani me ekipin e Manchester United. /tesheshi.com/
