Asocacioni i komunave serbe do themelohet vetëm kur strukturat e tyre paralele të jenë shuar tërësisht.
Ky premtim u dha nga ministrja për Dialog në qeverinë e Kosovës, Edita Tahiri, gjatë një raportimi të saj në komisionin parlamentar të dministratë publike, qeverisjes lokale dhe medias.
Znj. Tahiri saktësoi se simbolet e Asociacionit – Zajednicës siç quhet ndryshe në gjuhë politike – duhet të jenë në përputhje me ligjet e Kosovës dhe të reflektojnë karakterin shumetnik të saj.
“Me këtë rast do të shuhen të gjitha strukturat paralele të Serbisë në shtetin e Kosovës dhe ky në fakt është kusht për themelimin e Asociacionit. Me fjalë tjera pa u shuar strukturat paralele të Serbisë në Kosovë nuk do të ketë themelim të Asociacionit”, shtoi ministrja Tahiri.
Dhe siç mund të vërehet, ky është një kush i rëndë që i vihet Serbisë, nëse premtimi i ministres Tahiri do jetë konsisent si veprim politik. Pothuajse i gjithë veriu i Kosovës ka rënë nën pushtetin e strukturave paralele të ngritura nga Beogradi, ndaj së cilëave pushteti i Prishtinës nuk ka patur guximin të ndërhyjë për t’i shuar. Dhe me këtë kusht, ata vihen para detyrimit për t’i shuar vetë ato. /tesheshi.com/
