Moska ka nxjerrë një urdhër arresti ndërkombëtar për shtetasen Svetlana Valeryevna Timofeyeva, e cila u arrestua të shtunën për spiunazh në ish-Uzinën Ushtarake të Gramshit, së bashku me dy miq të saj, një rus e një ukrainas.
Edhe për rusët, ajo auzohet për spiunazh.
Sipas të dhënave nga TASS, gjykata në Meshçasky deklaron se Timofeyeva-n akuzohet se në mënyrë të paligjshme ka siguruar informacion të klasifikuar.
Emri i saj i plotë dhe data e lindjes, 19 mars 1989, që janë përmendur në gjykatë lidhur me Timofeyeva-n, janë të dhëna të njëjta si të fotografes ruse, Svetlana Timofeyeva, e cila po ashtu njihet si Lana Sator.
Timofeyeva, së bashku me rusin Mikhail Zorin dhe ukrainasi Fedir Mykhaylov u arrestuan më 20 gusht në Gramsh teksa fotografonin në ish-Uuzinën e armëve.
Më pas ndodhi një incident, përplasja fizike me rojet e atyshme.
Aktualisht gjykata e Elbasanit ka dhënë masën e sigurisë për treshen nën akuzën e ushtrimit të dhunës ndaj rojeve të uzinës duke i sulmuar ata me spraj në fytyrë.
Që te kenë qenë me mision spinazhi, ende s’është vërtetuar.
Një mikë e ngushtë e saj, Maria Passer, tha për Euronews Albania se dhe më herët kishin qenë bashkë në Shqipëri për pasionin e tyre: fotografimin e komplekseve të braktisura ushtarake të komunizmit.
“Kemi qenë në një zonë në jug të Shqipërisë, ishte komplet e braktisur, mund të hyje fare lehtë aty, gjetëm një vrimë të madhe tek hyrja dhe u futëm brenda. Ishte në jug të Shqipërisë (Porto Palermo). Ne nuk ishim të vetmit që kishim hyrë aty”, tregon ajo.
Sa për rrugën e fundit në Shqipëri të shoqes së saj, ajo tha:
“Ajo më shkroi që do të shkonte në Shqipëri, kishte planifikuar të qëndronte një javë aty, thjesht I urova ta shijonte udhëtimin. Është tipike për Lanën të udhëtojë, ajo ka vizituar me tepër se 30 vende kështu që është normale. Di që ka qëndruar për gjysmë viti në Gjeorgji, mendoj që thjesht ka ardhur për të eksploruar”.
Maria beson mikja e saj nuk është spiune por blogere, duke treguar se ajo ka mbi 2000 postime në instagram dhe ka shkruar dy libra për eksplorimin urban. /tesheshi.com/
