Edhe Greqisë po “i ikën truri” për shkak të një situate krize që vijon prej vitesh. Dhe ashtu si në Shqipëri, në vijën e parë të kësaj ikjeje janë mjekët.
Kreu i Shoqatës së Mjekëve të Athinës, Yorgos Patulis tha se kriza ekonomike ka ndikuar thellësisht në fushën e shëndetësisë me mjekë që kanë emigruar për shkak të papunësisë dhe rënies së pagave .
Patulis tha se niveli i mjekëve të papunë në Greqi ka arritur në 28 për qind dhe se mesatarisht 1.500 mjekë gjatë 5 viteve të fundit kanë kërkuar të pajisen me dokumenta për të punuar gjetiu në shtetet e tjera. “Dhe ky është një rekord”, theksoi ai.
Ndërkohë, shumë shqiptarë ende preferojnë Greqinë para Shqipërisë, po me të njëjtin pretendin: kriza ekonomike. Një rikthim emigrantësh në Shqipëri nga viti 2010 deri në 2013-ën, u pasua me një rikthim po atje ku ishin, në Greqi. /tesheshi.com/
