Shqipëria nuk arrin dot të çajë mbrojtjen serbe ndërkohë kur skuadra kundërshtare ka rrezikuar dhe shënuar por goli është quajtur I parregullt nga gjyqtari Italian Rizzoli. Një pjesë e parë 0 me 0 qe e mban situatë sërish nën ankth.
Nën një atmosferë të qetë pa incidente dhe asnjë problem gjatë ekzekutimit të himneve është mbyllur pjesa e parë.
Në minutën e tretë, Milivojeviç kreu një ndërhyrje me takë nga prapa ndaj Lenjanit, një ndërhyrje e ashpër të cilës Rizzoli nuk i kurseu kartonin e verdhë.
Serbët u shfaqën pesë minuta më vonë në portën tonë, ku pranë zonës morën një goditje dënimi. Adem Ljajiç mori përsipër ekzekutimin e saj, por topi u përplas në murin mbrojtës.
Në minutën e 16, Lorik Cana shkakton një faull teknik për të shmangur një kundërzbritje të serbëve me anë të Mitrovic dhe me të drejtë ndëshkohet me karton të verdhë nga gjyqtari.
Në minutat në vazhdim, Shqipëria mundohet kontrollon më shumë topin, por disa zbritje dhe pasime të sakta në mesfushë, nuk finalizoheshin në të njëjtën mënyrë me repartin sulmues.
Në minutën e 37-të, serbët shënojnë një gol me anë të Ljajiç, por pasi Tosiç kreu një ndërhyrje të gabuar ndaj portierit Berisha dhe me të drejtë gjyqtari i takimit anuloi gjithçka.
Kjo solli nervozizëm në fushë mes lojtarëve, por që u mbyll pa asnjë incident të qenësishëm.
Menjëherë pas këtij rasti, kuqezinjtë dalin në kundërsulm përmes disa pasimeve të sakta dhe të bukura të Lilës, Balajt dhe Lenjanit, por sërish mungon pasimi final. Në minutat e fundit, Andi Lila largohet me barrelë nga fusha e lojës dhe mbetet për t’u parë nëse do të jetë gati për pjesën e dytë./tesheshi.com/
https://www.youtube.com/watch?v=Vb1C1q0cdy4
