Kryeministri Rama ka përcjellë më së fundi fjalë vlerësuese për të ndjerin Kiço Blushi, larguar nga kjo jetë orët e mbrëmjes të së premtes. I njohur dhe si babai i Ben Blushit, i ndjeri ka marrë komplimente përsëvdekuri nga njeriu ndaj të cilit protestoi pak vite më parë kur diskutohej ligji i Plehrave.
“IN MEMORIAM
Kiço Blushi ishte një ndër ata personazhe të jetës artistike, letrare e shoqërore po ashtu, që dinë të qëndrojnë drejt edhe kur fryjnë erëra të forta përballë, po edhe kur erërat që të çojnë artificialisht përpara të kërrusin sidoqoftë.
Sqimatar dhe ironik, Kiçua do të më kujtohet gjithnjë me atë gjysmëqeshjen e tij kur hapnim një temë dhe thikën e mprehtë të gjykimeve pa gajle, për këdo e gjithkënd.
I paharruar qoftë kujtimi yt i dashur mik!”, shkruan Rama.
Kujtojmë se në një seri shkrimesh të Ramës ku denonconte në mënyrë përtallëse krijimtarinë filmike në kohën e komunizmit, emri i Kiço Blushit, një prej emblemave të skenarizmit kineast shqiptar të ish-Kinostudios nuk u përfol kurrë prej tij. /tesheshi.com/
