Influencuesi dhe bodybuilderi i njohur gjerman, Jo Lindner, i njohur më mirë si “Joesthetics”, vdiq në moshën 30-vjeçare nga një aneurizëm.
Ai vdiq të premten, më 30 qershor në banesën e tij në Bangkok, dhe në momentin e vdekjes ishte me të dashurën e tij Nicha.
Influencuesi gjerman Jo Lindner u bë i famshëm duke postuar video fitnesi në rrjetet sociale.
Më shumë se 10 milionë njerëz e ndoqën atë në rrjetet sociale dhe ai nuk e fshehu se sa përpjekje bënte për të ruajtur fizikun e tij.
Vetëm disa javë para vdekjes së tij, ai tha se kishte frikë se mbistërvitja mund t’i shkaktonte një atak në zemër për shkak të një gjendjeje të rrallë të muskujve.
E dashura e tij Nicha shkroi në rrjetet sociale se si Lindner vdiq në dhomën e tij.
Bodybuilderi, i cili po qëndronte në Tajlandë dhe Dubai, tre ditë më parë ndjeu një dhimbje në qafë, por nuk e kuptoi se çfarë ishte.
Ditën e vdekjes së tij, ai duhej të shkonte në palestër me mikun e tij Noel Deyzel.
I lindur në Bavari, që nga fillimi i karrierës së tij botoi vetëm në anglisht, ndërsa për disa vite jetonte në Bangkok të Tajlandës. /tesheshi.com/
