Babai ka “tradhëtuar” në një farë mënyre të birin, në pretendimin e këtij të fundit se kontenierët me bananë e plot kokainë të ardhura në Durrës nga Amerika Latine, nuk kishin të bënin më të.
Kështu mund të përshkruhet fakti se babai i Arbër Çekajt, Selim Çekaj, është kapur së fundi po si i biri, pas një sasie pre 49 kg kokainë të sekuestruar në një kontejner me banane në Portin e Durrësit.
Ndodh kjo tre vite kur nga operacioni “Bora e fundit” (po binte borë atë ditë) janë sekuestruar 613 kg kokainë të kapur në magazinat kompanisë së bananeve Arbri Garden në Maminas, me pronar Arbër Çekajn.
Në rastin e babait të tij, kokaina ishte e ndarë 31 pako në vendosura në kolonat e jashtme të kontejnerit të bananeve. Selim Çeka nuk ka pranuar që të ishte autori i saj, duke thënë se ai është tregtar frutash dhe duhet ta gjejë policia se kush e ka futur drogën.
Por edhe pse Selim Çekaj nuk ka pranuar kokainë në kontejner, ai është arrestuar. Arrestimi i tij ka ndodhur gjatë operacionit të Koduar “MERSIN” , që ka mbajtur emrin e portit në Turqi nga ku është nisur dhe anija me kontejnerët e bananeve ku fshihej kokaina. Kjo çështje ka qenë nën vëzhgim nga autoritetet shqiptare prej një muaji.
Strukturat e Policisë së Shtetit, në vijim të punës për parandalimin, evidentimin dhe goditjen e trafikimit të lëndëve narkotike, bazuar në informacionet e marra në rrugë operative dhe hetimet e kryera se në një kontenier fshihej një sasi e konsiderueshme lënde narkotike kokainë, në bashkëpunim me autoritetet doganore kanë organizuar dhe finalizuar operacionin policor të koduar “MERSIN”.
Deklarata zyrtare thotë:
“Si rezultat i operacionit, gjatë kontrollit të imtësishëm të ushtruar në disa kontenierë, u bë e mundur që në njërin prej tyre, i cili ishte i ngarkuar me banane dhe ishte nisur nga Ekuadori me destinacion Shqipërinë, për llogari të një firme me qendër në Maminas, me administrator shtetasin S. Ç., të gjendej dhe sekuestrohej në cilësinë e provës materiale rreth 49 kilogramë lëndë narkotike e dyshuar kokainë.
Në vijim të veprimeve, nga Seksioni për Hetimin e Narkotikeve në DVP Durrës u arrestua në flagrancë shtetasi S. Ç., banues në Sauk, Tiranë.
Nën drejtimin e Prokurorisë së Rrethit Gjyqësor Durrës, vijon puna për dokumentimin e plotë të kësaj ngjarjeje, identifikimin dhe kapjen e autorëve të tjerë të përfshirë në këtë veprimtari kriminale.
Për arsye hetimore nuk jepen detaje të tjera rreth operacionit.
Materialet i kaluan Prokurorisë së Rrethit Gjyqësor Durrës, për veprime të mëtejshme”. /tesheshi.com/
