Nëse jeni në pritje të rrogës së 13-të, provoni të mendoni gëzimin dhe emocionin e 1400 punonjësve të Hilcorp, një agjencie amerikane të eksplorimit të naftës.
Administratori i deleguar, Jeff Hildebrand ka vendosur të dhurojë për çdo punonjës një bonos prej 100 mijë dollarësh. Duket që këtij menaxheri nuk i mungon aftësia për të motivuar punonjësit e tij dhe jo rastësisht ndërmarrja është renditur për tre vite me radhë në 100 kompanitë më të mira për të punuar.
Ky bonos është lidhur me një fakt shumë të rëndësishëm. Gjatë 5 viteve të fundit Hilcorp thuajse ka dyfishuar të ardhurat. “Është një dhuratë fantastike që shtyn çdokënd prej nesh të japë 100% të përkushtimit në punë. Qanim nga gëzimi dhe dukej si e pavërtetë”,- komenton Amanda Thompson, recepsioniste e kompanisë.
Ky nuk është një rast i pazakontë për Hilcorp, pasi në vitin 2010, edhe këtë herë kur të ardhurat u dyfishuan, punonjësit në fundvit u vunë përpara zgjedhjes së një automjeti apo 35.000 dollarëve./tesheshi.com/
