Një prift katolik në Bosne ka kërkuar falje për fjalët e tij të llojit islamofob e racist, gjatë një aktiviteti përkujtimor, duke sulmuar rëndë emigrantët muslimanë nga Lindja që kalojnë atyre anëve në rrugën drejt Perëndimit.
Fjala është për Mate Vinçetiç, famullitar, i cili do thoshte para një grigjeje të tij prej 100 “dele Perëndie” nga Bosnja e Kroacia pikërisht këto fjalë: “Ne nuk mund të pranojmë mërgimtarë në shtëpinë tonë, t’u japim gjithçka, dhe ata me paturpësi, vijnë dhe thonë: Unë jam musliman, duhet të më jepni ushqimin që dua të ha.
Shiko, të lutem! Ti erdhe nga toka i uritur, i etur dhe zbathur. Zoti yt të la të uritur, të etur, të zhveshur dhe zbathur. Tani bëni sikur ndaj Zotit tuaj që ju la të uritur, të etur, të zhveshur dhe zbathur, unë duhet të përmbush vullnetin tuaj dhe vullnetin e Tij.
Mirë, nuk ka problem, unë do t’i jap diçka për të ngrënë, por ai është ende i pasjellshëm: Ju nuk mund të më jepni mish derri, duhet të më jepni mish viçi. E shihni paturpësinë!”, ishin këto fjalët e prifti Vinçetiç që shkaktuan reagim të fortë në opinion.
“I kërkoj sinqerisht falje kujtdo që fjalët e mia nga fragmenti i predikimit të lartpërmendur u perceptuan si shkelje të ndjenjave fetare dhe të tjera njerëzore. Ky nuk ishte aspak qëllimi i këtij predikimi”, tha ai pas presionit të fortë publik. /tesheshi.com/
