E majta në qeverisje vendos për të djathtën në timon: Stop pas 20 marsit!

Prej 21 marsit, asnjë automjet me timon në krah të djathtë nuk do lejohet të hyjë në Shqipëri, veç rasteve kur ato drejtohen nga shtetas të huaj. Në një prononcim për Top Channel, deputeti Artan Gaçi shtjelloi këtë vendim, me anë të të cilit nuk do regjistrohet më asnjë mjet me të ashtëquajtur “timon anglez”, nëse hyn në Shqipëri. Pra, që prej 21 marsit. Sipas Gaçit, kjo bëhet për të ulur numrin e aksidenteve që vijnë prej automjeteve të tilla, që sidomos në tentativë parakalimi, kanë shkallë të lartë rrezikshmërie për shkak të rrezes së pakët të shikimit. Ndërsa për automjetet me timon në krah të djathtë, që aktualisht qarkullojnë me targa shqiptare, nuk do të ketë asnjë masë. Ato do vijojnë normalisht qarkullimin, deri në një amortizim total, e më pas dalje nga qarkullimi. /tesheshi.com/