Kryetari i Komunës së Gostivarit, Nevzat Bejta mbrëmë në emision Në mbrëmje, me Agim Poshkën në Tv21, ka shpalosur rrethanat se si u njoh me Ali Ahmetin në fillet e para të luftës së vitit 2001 në Maqedoni. Duke folur për raportet me Rufi Osmanin, ai tha se atë botë kanë qenë miq të mirë, porse politika i ka ndarë me kalimin e kohës.
“Unë me Rufi Osmanin kemi qenë shokë dhe miq të mirë, por rrethanat demokratike na ndanë në këto rrugë, ashtu si na kanë ndarë. Unë me Rufi Osmanin me fillimin e luftës në Maqedoni kemi shkuar bashkë në Prizren, ku kemi takuar liderin e tanishëm të BDI-së, Ali Ahmeti. Unë vendosa t’i bashkëngjitem radhëve të UÇK-së, ndërsa Rufi Osmani vendosi të kthehet”, tha mes tjerash Bejta.
Gjatë emisionit, Bejta ka folur gjerë e gjatë për fëmijërinë e tij, profesionin e profesorit për 20 vite me radhë, rrugëtimin e tij politik, çka bënë në kohën e lirë, pasionin pas natyrës, e tjerë. /tesheshi.com/
