Klubi blaugrana i ka prishur kontratën lojtarit të sapoblerë, Sergi Guardiola-s, pasi ka zbuluar se futbollisti në fjalë kishte shprehur haptazi dashurinë për kundërshtarin e përjetshëm, Real Madrid-in, në rrjetin social twitter. Disa “cicërima” të tij, të postuara kohë më parë, i kanë kushtuar shtrenjtë 24-
vjeçarit.
Mesfushori u transferua ditën e hënë nga skuadra Alcorcon te Barcelona B. Mirëpo, drejtuesit e klubit katalanas kanë ndërhyrë ngutshëm me të parë postimet e bëra nga futbollisti dy vite më herët, kur kishte shprehur haptazi madridizmin e tij dhe urrejtjen për klubin nga Katalonja. /tesheshi.com/
