Presidenti i zgjedhur Joe Biden ka premtuar se Shtetet e Bashkuara do të bashkohen përsëri me Marrëveshjen e Klimës së Parisit në ditën e parë të presidencës së tij.
Biden e premtoi këtë në një deklaratë me shkrim para fillimit të samitit virtual të liderëve botërorë, i cili nuk u ndoq nga Presidenti i SHBA në largim Donald Trump, pasi ai tërhoqi Uashingtonin nga Marrëveshja e Parisit, raporton AP.
“Shtetet e Bashkuara do të bashkohen me Marrëveshjen e Parisit në ditën e parë të mandatit tim presidencial. Unë menjëherë do të filloj të punoj me kolegët në të gjithë botën për të bërë gjithçka që mundemi, duke përfshirë thirrjen e udhëheqësve të ekonomive kryesore në samitin e klimës në 100 ditët e para të mandatit tim,” tha Biden.
Ai përsëriti një premtim nga fushata e tij se administrata e tij do të kërkonte të ulte në zero emetimet e gazeve serë “jo pas vitit 2050”. /tesheshi.com/
