Ish-kryeprokurori Adriatik Llalla u dënua me dy vite burg nga Gjykata e Posaçme me akuzën për “fshehje dhe mosdeklarim të pasurisë”.Gjithashtu atij i hiqet e drejta për 5 vjet nga ushtrimi i posteve publike.
Procesi ndaj tij u ndoq dhe nga vëzhgues të ambasadës amerikane, raporton TCH.
“Burgun ta kryejë në burg të sigurisë së zakonshme, menjëherë sapo të marrë formë të prerë”, u shpreh në seancë gjyqtarja Daniela Shirka.
Llalla është zyrtari më i lartë i dënuar ndonjëherë në Shqipëri.
Atij do t’i konfiskohet pasuria, që është një apartament në Durrës dhe 3 tokë arë, të cilat janë pronat që janë sekuestruar dhe kjo me kërkesën e SPAK.
Prej shkurtit 2018, Llalla është pjesë e listës së zezë të Departamentit Amerikan të Shtetit, që i ka ndaluar hyrjen në SHBA atij dhe familjarëve.
Si Kryeprokuror, ai ishte një produkt i dyshes Berisha-Meta. /tesheshi.com/
