Në një intervistë të radhës, Mohamed Alabbar, kreu i Emmar Group i cili do kryejë investimin e madh në Durrës me një port jahtesh dhe një zonë rezidenciale, tha se “nuk po flasim vetëm për apartamente, por për jetën”. Kjo referuar asaj se çfarë pritet të bëjë ai në qytetin bregdetar, një investimin strategjik prej 2 miliard euro.
Për dy muaj nis puna, tha ai, duke potencuar se numri i të punësuarve do jetë shumë i lartë.
“Ne po flisnim më parë që do hapen rreth 40-50.000 vende të reja pune. Zakonisht, projekte të mëdha si ky duhet t’i shtojnë prodhimit të brendshëm bruto të qytetit rreth 4-5%. Studimet tona gjithmonë e tregojnë, por përsa i përket turizmit, është i jashtëzakonshëm. Fuqia punëtore do të jetë vendase”, tha ai në një intervistë për Sokol Ballën.
“Është shpallur tenderi ynë i parë i ndërtimit. Kështu që të mos gabohem, presim që në rreth 4 javë të marrim çmimet e ofertës dhe pasi të kalojë kjo fazë, shpresoj që për një muaj e gjysmë apo dy muaj të instalojmë vinçat dhe të fillojmë punën”, tha ai.
Investitori i njohur emiratas, njeriu ka rolin e tij në atë çfarë është Dubai sot me ndërtimet e larta, bëri dhe një vlerësim për kryeministrin Rama.
“Gjatë këtyre tre vjetëve kam negociuar për këtë projekt dhe me të vërtetë respektoj atë që po bën shkëlqesia e tij Edi Rama. Më pëlqen zemra e tij, mendon për popullin, i bën punët të pastra, premton dhe realizon pavarësisht presionit politik”, theksoi Alabbar. /tesheshi.com/
