Pas Laçit është Përmeti aty ku u aplikua orët e fundit masa ndëshkuese në kuadër të luftës së re të shpallur anti-kanabis.
Tre shefa policie u shkarkuan në komisariatin e këtij qyteti pas zbulimit të afro 11 tonëve drogë në ish-depot e rezervave të shtetit në fshatin Pagri.
Ndërkohë, sipas njoftimit të policisë, katër zyrtarë të tjerë policorë janë nën hetim disiplinor për shkelje të rregullave. Më tej, në pranga kanë rënë dy prej administratorëve të këtyre depove si dhe kryeplaku i fshatit.
Droga e gjetur në Pagri ishte ndër më të mëdhatë e këtyre kohëve. Dhe kjo ndodh në Përmet, një zonë ku shumë pak është përfolur për kultivim e trafik kanabisi. /tesheshi.com/
