Volejbolli kosovar ka thyer barrierat e izolimit shum vjeçar dhe është skuadra e Drenicës ajo që ka shkruar historinë, madje duke e fituar ndeshjen e parë ndërkombëtare në Challenge Cup.
Drenicasit mposhtën skuadrën irlandeze, Ballymony Blaze me rezultat të pastër 3:0 në sete (25:13, 25:12, 25:16).
Në praninë e mbi 300 shikuesve në Pallatin e Rinisë dhe të Sporteve në Prishtinë, Drenica ka mrekulluar me lojë, në duelin e parë ndërkombëtar duke e fituar atë.
Për të kaluar në raundin tjetër të garës, drenicasve iu mbetet të luftojnë edhe në një betejë tjetër me irlandezët e Blazes, në duelin e së dielës që zhvillohet po ashtu në Prishtinë. /tesheshi.com/
