Lojtari i Borusias së Dortmundit, Mario Gëtze, e cilëson si festë ndeshjen kundër Realit të Madridit.
Ndeshja do të luhet mbrëmjen e sotme në Signal Iduna Park, ku gjermanët do të kërkojnë 3-pikëshin e parë në Ligën e Kampionëve.
Ndeshjen e parë, Dortmundi e humbi në tranfertë përballë Totenhemit, çka do të thotë se një tjetër humbje i vështirëson në maksimum llogaritë për një kalim të grupit.
“Gjithmonë kanë qenë ndeshje të mira, gjithmonë duhet të merren parasysh kampionët, ne luajmë në shtëpi dhe do të jetë një ndeshje e mirë”, është shprehur Gëtze.
Ai bëri të ditur se presin një lojë të vështirë duke shtuar se e dinë që Reali i Madridit ka fituar dy edicionet e fundit të Ligës së kampioneve, duke luajtur shumë mirë.
“Do të jetë një lojë shumë interesante, ne jemi në formë të mirë dhe luajmë në shtëpi”, deklaroi 25 vjeçari.
Fakti që Real Madridi nuk ka fituar asnjë ndeshje në Signal Iduna Park sipas Gotze nuk është një avantazh për ta. “Është një lojë e re dhe një sezon i ri”, ka thënë lojtari i kombetares gjermane.
Gëtze shtoi se Real Madridi ka lojtarë të klasit botëror. /tesheshi.com/
