E rrallë/ Nanë Gjela po mbërrin vitin e 115 të jetës – por kjo nuk e pengon të ushqejë bagëtitë dhe të bëjë pak politikë…

Nga Ahmet Zani

Kjo është Gjela Mëhilli nga fshati Tarazh i Mirditës. Sot hyri marsi, muaji kur ajo mbush plot 115 vjeç. Mas 8 ditësh, pikërisht më 9 mars. Ka kujtesë të fortë, shikon dhe dëgjon mirë, ushqehet pa ndihëm e të tjerëve dhe lëviz  pa problem në oborrin e shtëpisë; madje përpiqet të ushqejë dhe bagëtitë.

Shtëpia e Gjok Mëhillit, djalit të parë të Gjelës ndodhet pranë një kodrine të fshatit Tarazh të shpërndarë në disa kodrina. Gjoka është fëmija më i madh i Gjelës ndërsa janë dhe tre fëmijë të tjerë të kësaj gruaje. Kanë kaluar jetë të vështirë, teksa kujton se dhe për ushqim e ilaçe janë detyruar të përdorin barishte.

Por dhe pak politikë e kanë me qejf ta bëjnë. Gjela thotë se sistemi i Enver Hoxhës ishte më i mirë sa i përket qetësisë. Ndërsa sipas saj, Berisha ka një gabim të madh, se nën pushtetin e tij janë armatosur popullata gjë e cila e ka shqetësuar më së shumti atë. Sistemi i shtetit mbretëror në kohën e Zogut, tregon Gjela. Ishte shumë i varfër.

Ajo ka folur dhe për rininë e sotme, duke e komentuar një pjesë të saj si të padenjë nga mungesa e punësimit në vendin tonë dhe kjo masë e rinisë po gëlltitet në dyert e Europës, duke u shndërruar si shembull negativ për shoqërinë.

Gjela ka rreth 100 nipër dhe mbesa dhe tashmë është stërgjyshe dhe i kujton të gjithë ndonëse janë larguar dhe në emigracion. Nuk merr pension pleqërie pasi me fillimin e ish- kooperativave ajo kishte mbushur moshën e pensionit të pleqërisë, ndaj nuk përfiton dhe një ndihmë prej 2500 lekësh pasi duhej të figuronte e vetme, ndërsa djali i saj nuk e ka pranuar këtë variant. Për këto zona, është e rëndë të vendosësh ndasinë me nënën për të përfituar një shumë minimale parash, siç veprohej në kohën e diktaturës në përfitimin e një pakoje kafeje.

Gjoka është fëmija i dytë i Gjelës, pasi më i madhi nuk jeton dhe ai duhej të sihte sot plot 92 vjeç, ndërsa Gjoka është 72 vjeç, i cili tregon për nënë e tij duke rrëfyer se është një rast shumë i rrallë, ndërsa nëna e tij ende është e fortë ndonëse këto ditë po kalon epidemi gripale. Gjela është e pajisur dhe me kartën e identitetit ditët e fundit, pasi për një moshë të tillë strukturat e qeverisjes duhet të mbështesin me pesion të veçantë.

Gjoka ka menduar që me rastin e 115 vjetorit të lindje

s, t`i të bëjë një surprizë nënës së tij me një tortë të veçantë siç është dhe kjo grua në vendin tonë mbase diçka e rrallë, e një gruaja pra që ka sfiduar kohën./tesheshi.com/