Sekretari amerikan i Shëndetësisë Tom Price dha dorëheqjen, pasi udhëtimet e tij me avionë të kushtueshëm ishin bërë shkak për hetime.
As dëmshpërblimi i pjesshëm i ofruar nga ana e tij për të shlyer koston e udhëtimeve me avionë privatë dhe as ndjesa që ai kërkoi publikisht nuk mundën ta shpëtojnë sekretarin e Shëndetësisë nga humbja e postit.
Price është anëtari i parë i kabinetit të presidentit Trump që largohet nga posti në administratën e tij të re, ku deri tani janë shkarkuar një numër ndihmësish të lartë.
Price kishte më pak se 8 muaj në detyrë.
Presidenti Donald Trump u kishte thënë bashkëpunëtorëve se sekretari i tij i shëndetësisë ishte bërë objekt shpërqendrimi, duke hedhur hije mbi axhendën e tij dhe duke minuar premtimin e fushatës për të ”tharë moçalin” e korrupsionit.
Sekretari i Pyjeve, Ryan Zinke i quajti debatet rreth udhëtimeve paksa të ekzagjeruara, por tha se taksapaguesit kanë të drejtë të dinë mbi shpenzimet e udhëtimit të zyrtarëve. /tesheshi.com/
