Donald Trump sulmoi senatorin e Arizonës, John McCain për meritat e tij si veteran lufte apo se është qëlluar ndërsa shërbente si pilot në luftën e Vietnamit, duke sjellë reagime të forta brenda kampit republikan. Trump që ka qenë në një luftë fjalësh me McCain që prej vitit 2008, e vuri në lojë: “Ai nuk është një hero lufte. Ai është një hero se ka rënë rob? Mua më pëlqejnë njerëzit që nuk zihen rob”, tha Trump.
Fjalët e tij kanë nxitur një përgjigje të ashpër nga kandidatët republikanë për Presidencialet e 2016, më të ashpra sesa për komentet e fundit të Trump në lidhje me Meksikën apo emigracionin.
Ish-guvernatori i Teksasit, Rick Perry tha se komentet përfaqësonin një ulje të re niveli në politikën amerikane dhe kërkoi që Trump të tërhiqet menjëherë nga gara për president. /tesheshi/
