Ambasadori amerikan Donald Lu përfundoi takimin prej 3 orësh me kryeparlamentarin Ilir Meta. Në takimi është shtuar më pas edhe Ministri i Drejtësisë, Ylli Manjani, përfaqësuesi i LSI-së.
Prej dy ditësh opozita ka bojkotuar tryezën e ekspertëve të lartë për reformën në Drejtësi, pasi kërkon që në emërimet e funksionarëve të lartë në drejtësi të bëhen me më shumë se 3/5 e votave në parlament ose të gjendet një formulë tjetër.
Ky qëndrim i referohet edhe rekomandimeve të Komisionit të Venecias, ndërkohë që palët politike nuk kanë gjetur ende dakortësinë për këtë çështje.
Ekspertët e maxhorancës, zhvilluan këtë të enjte tryezën e diskutimit mbi draftin e reformës që do t’i dërgohet Komisionit të Venecias, ndërsa opozita ashtu si dje, nuk mori pjesë në takim. /tesheshi.com/
