Indeksi i dollarit u rrit në nivelin e tij më të lartë në 11 vitet e fundit kundrejt shportës së valutave kryesore në botë. Kjo pasi monedha amerikane fitori epërsi prej gjashtë javëve rradhazi kundrejt euros, nën dritën e luhatjes së normave të interesit të obligacioneve Amerikane.
Ekspertët thanë se dallimet e normave të interesit midis obligacioneve Amerikane me afat dy vjeçar dhe obligacioneve qeveritare europiane janë rritur përpara shpalljes së programit të Bankës Qendrore Evropiane me vlerë 1.1 triljon euro për të blerjen e obligacioneve, çka e ka forcuar pozitën e dollarit.
Euro ra me 0,25% kundrejt dollarit në 1,11545 $ për të shtyrë indeksin e dollarit që të rritet në 95,57 niveli i tij më i lartë që nga shtatori i 2003. Monedha amerikane mori hov në kohët e fundit duke përfituar nga rimëkëmbjen e fortë e ekonomisë amerikane dhe dobësimi i euros.
Yield-et e obligacioneve
Në një kohë kur kthimi i yield-eve të obligacioneve amerikane u rrit, në eurozonë qëndroi pranë lows rekord, ndërkohë që investitorët presin nga BQE më shumë detaje rreth lehtësimeve të saj monetare.
Megjithatë, fitimet e dollarit nuk ishin të një spektri të gjërë, pasi moendha japoneze ra kundrejt jenit. Aitsoro Honda këshilltar ekonomik i Kryeministrit japonez SHINZO Abe tha se dollari nuk ishte në gjendje për të korrur fitime të mëtejshme. Kjo deklaratë bëri që dollari të bjerë nga niveli i tij më i lartë në tre javë, i cili i krahasuar me jenin japonez këmbehej me rreth 120,27 ¥, duke rënë në 119,80 ¥.
Vlen të përmendet se rritja e dollarit në muajt e fundit, pjesërisht ka kontribuar në rënien e çmimeve të naftës në tregjet globale që nga vera e kaluar, pasi monedha amerikane bëhet një parajsë për investitorët, çka çon automatikisht në çmime më të ulëta të naftës bruto.
Reuter
