Komiteti Kombëtar i të Drejtave të Njeriut në Doha (NHRC) ka botuar një broshurë të re të quajtur “Tre vjet të Bllokadës së Katarit”, e cila përmban statistika dhe raporte për shkeljet e të drejtave dhe lirive të njeriut për shkak të bllokadës së imponuar nga tre vende të Gjirit dhe Egjiptit.
Kriza e Gjirit, e cila filloi kur Arabia Saudite, Emiratet e Bashkuara Arabe, Bahreini dhe Egjipti ndërprenë lidhjet me Katarin dhe vendosën një bllokadë për atë vend, hyn në vitin e saj të katërt në 5 qershor.
Broshura tërheq vëmendjen ndaj masave të njëanshme shtrënguese të marra kundër Katarit nga vendet që vendosën një bllokadë kur ndërprenë marrëdhëniet diplomatike më 5 qershor 2017, tha NHRC në një deklaratë.
Botimi është botuar në tre gjuhë (arabisht, anglisht dhe frëngjisht) në faqen e internetit të NHCR.
NHCR shtoi se broshura gjithashtu përmban statistika mbi shkeljet e të drejtave dhe lirive të njeriut të kryera nga tre vende të Gjirit (Arabia Saudite, Emiratet e Bashkuara Arabe dhe Bahreini) kundër Katarit. Publikimi gjithashtu përmban raporte ndërkombëtare për këto shkelje, dispozita ndërkombëtare dhe vendime kundër bllokadës së Katarit, përfundime dhe përshkrim ligjor.
Këto shkelje kanë të bëjnë me të drejtën e lëvizjes, vendbanimit, pronës, arsimit, shëndetit, punës, aksesit në gjykatë, bashkimit familjar, lirinë e mendimit dhe të të shprehurit, ndalimin arbitrar, zhdukjen me forcë, nxitjen e dhunës dhe urrejtjen dhe të drejtën për të kryer ritet fetare. U përmendën disa shembuj të secilës prej këtyre shkeljeve.
Vihet re se midis numrit të përgjithshëm të shkeljeve të të drejtave, të regjistruara në bazë të ankesave të regjistruara nga NHCR, 2.448 shkelje janë kryer nga Arabia Saudite, 1.225 Emiratet e Bashkuara Arabe dhe 602 Bahreini.
Eshtë e rëndësishme të theksohet se Kuvajti po bën përpjekje për të ndërmjetësuar midis dy palëve në krizën e Gjirit, por që ende nuk ka arritur të bëjë një përparim për t’i kthyer gjërat në gjendjen e tyre origjinale midis gjashtë vendeve të Këshillit të Bashkëpunimit të Gjirit. /tesheshi.com/
