Deputetja Rudina Hajdari njofton opinionin se ka vendosur që rrogën e saj mujore ta dhurojë për rehabilitimin e ambienteve të djegura të shkollës “Shejnaze Uka” në Shkodër, aty ku nga militanca e PD-së iu vu flaka KZAZ-së së instaluar.
“Djegia e shkollave në Shkodrën e kulturës dhe traditave ishte një traumë kombëtare dhe dhunë anti-shqiptare. Për këto arsye vendosa sot që pagën (rrogën) mujore t’a dhuroj për riparimin e dritareve të shkollës që u dogj dje në këtë qytet nga ata që nuk janë as demokrat dhe as socialist por thjesht servil të kryetarit dhe shpresojnë që në të ardhmen të shpërblehen me parimin: ‘Kush djeg dhe shkatërron më shumë bëhet drejtor ose doganier’. Le të jetë paga ime fillimi i një fushate ndërgjegjësimi nga çdo shqiptar që kërkon një Shqipëri si Europa“, shkruan deputetja Hajdari.
Kështu ajo pason znj.Topalli, e cila reagoi ashpër nën dëshpërim ndaj asaj çfarë ndodhi të martën në të mbrëmje në Shkodër.
Incidentet nisën kur me urdhër të kryebashkiakes Voltana Ademi, e shndërruar së fundi në një prej skiftereve të përbetimit të opozitës PD-LSI për mosmundësim zgjedhjesh më 30 qershor, urdhëroi Policinë (e saj) Bashkiake që të çmontojë KZAZ-në e Shkodrës, siç u justifikua, në zbatim të dekretit të Presidentit Meta për anullimin e zgjedhjeve më 30 qershor. /tesheshi.com/
