Vjeshta është periudha ideale për të kuruar format trupore dhe për së sjellë në vendin e duhur organizmin. Ju shumë thjeshtë mund të luftoni lodhjen në tavolinë duke pasur një ushqim të shëndetshëm dhe me shumë vlera ushqyese. Perimet e kësaj periudhe ju ndihmojnë të pastroni organizmin duke përgatitur pjata thjeshtësisht të tretshme nga trupi. Ditët e bukura me diell sa vijnë dhe largohen, duke lënë pas temperaturat e ulëta, ndaj në tryezë kthehen supat dhe pjatat e shumta me perime. Risia? Provoni t’i shërbeni ato të ftohta. Ja disa këshilla për të pasur mirëqenie në këtë periudhë të vitit:
Supa detox – Supat dhe sallatat janë strategjike për të gjithë ata që duan të humbasin disa kilogramë të tepërt, pasi përmbajnë pak kalori por kanë një tjetër ‘fuqi magjike’. Në këtë periudhë të vitit ju mund të gjeni shumë kollaj në treg kungullin, i cili ju ndihmon të luftoni celulitin dhe të hidratoheni, duke qenë se është i pasur me veti diuretike, antioksidantë dhe elementë pastrues.
Dhe qepa ka veti diuretike dhe ndihmon në forcimin e sistemit imunitar. Përgatisni një supë detoks me kunguj dhe qepë, përziejini ato mirë në nj mikser dhe në fund shtoni gjethe të freskëta majdanozi. Sipas dëshirës mund të hidhni edhe spec të kuq e pak vaj ulliri. Për një drekë tretëse dhe të lehtë mund të shoqëroni supën me një fetë bukë integrale dhe nj sallatë të përbërë nga dy lugë vaj, një grusht me bajame, disa feta mollë dhe pak djathë. Supa me kunguj mund të shërbehet edhe e ftohtë. Një ushqim ideal, veçanërisht kur është ende pak vapë dhe keni dëshirë të freskoheni.
Mbretëresha e vjeshtës – Kungulli, burimi i Omega Tre dhe i pasur me kalori, me një shije fantastike dhe ngjyrë intence, vjen më natyral se kurrë në vjeshtë. Mund ta përdorni në sallata ose si përbërës në pjata të ndryshme (kombinohet shumë mirë me patatet). Krijoni një pjatë të thjeshtë nëpërmjet gatimit në furrë: pastroni kungullin nga lëkura dhe farat, vendoseni atë në furrë dhe shtoni disa fleta rozmarinë. Doni ta shoqëroni me një sallata jo të zakontë? Provoni t’i shtoni lakër të bardhë apo të kuqe, e cila bashkë me lulelakrën është e pasur me kalcium, hekur, Omega Tre si dhe ka veti anti-inflamatore.
Thjeshtësi dhe shëndet – Erëza, selino, lakra të ndryshme, të gjitha që ndihmojnë në pastrimin e organizmit dhe shumë të thjeshta për tu përgatitur. Sekreti për të pasur linja të përsosura? Kur gatuani perimet përdorni vaj ekstra të virgjër si dhe erëza si mëndërz, majdanoz, rozmarinë etj për të aromatizuar ushqimin.
Menyja – Ja një shembull i një menyja nga e cila mund të merrni frymëzim për mirëqenien tuaj të përditshme. Në mëngjes hidratoni organizmin dhe pastrohuni me çaj jeshil, i cili ka veti antioksiduese si dhe mund të konsumoni fruta të freskëta në pak kos ose drithëra.
Jeni gjithmonë jashtë shtëpisë për drekën? Mundohuni të përgatisni një pjatë e cila të përmbajë fruta të kombinuara me oriz integral, në mënyrë që të rrisni dozat e humorit.
Për darkën, kur vjen dëshira për të ngrënë ushqim të bollshëm, zgjidhni pjatat me perime, sallatat apo supat, të cilat mund t’i shoqëroni me peshk, i pasur me Omega Tre, bathë, gjizë pa kripë apo sallatë me spinaq, finok etj.
Perimet apo frutat e shtrydhura, të kombinuara mes tyre, janë një vakt shumë i mirë i mesëm, midis mëngjesit dhe drekës apo drekës dhe darkës, pasi ju japin energji për të vijuar ditën. Mund të shtoni arra, lajthi, fruta të thata, të cilat janë shumë të këshillueshme për shëndetin e trurit.
Strategji që të kursejnë kohën – Gatuani perimet në sasi të mëdha: për disa ditë mund t’i ruani në frigorifer, në mënyrë që të mund t’i konsumoni në gjendje të mirë në ditët në vijim. Sapo ato të ftohen, i vendosni në tasa plastikë apo qese plastike të pastra dhe më pas i fusni në frigorifer. Në ditët kur nuk keni shumë kohë për të përgatitur nj vakt të mirë, mjafton të nxirrni këto perime të gatuara nga frigoriferi, t’i lini të shkrijnë dhe pasi t’i marinoni, bëhen gati për t’i ngrënë. Të hash shëndetshëm është më e thjeshtë nëse organizohesh siç duhet./tesheshi.com/
