Komisioni Suprem i Dijetarëve të Arabisë Saudite ka dënuar sulmet e fundit në Egjipt, ku u goditën dy kisha, të cilët lanë pas me dhjetra viktima dhe të plagosur.
Në një deklaratë në mediat sociale, Komisioni Suprem i Dijetarëve të Arabisë Saudite thekson se ky akt është i ndaluar, sipas ligjit islam, dhe se ngjarje të tilla cenojnë stablitetin dhe jetën e njerëzve.
‘‘Shpërthimi që shënjestroi dy kisha në Egjipt është një akt kriminal i ndaluar në ligjin islam. Myslimanët kanë mendim unanim se akte të tilla cenojnë sigurinë, stabilitetin dhe jetën e njerëzve. Një besimtar, që beson Zotin dhe Ditën e Gjykimit, nuk kryen krime të tilla. Krime të ngjashme mund të kryhen vetëm nga persona me besim të devijuar’’, thuhet në deklaratë.
Ndërkohë, burime pranë Ministrisë së jashtme të Saudisë, kanë dënuar sulmet terroriste ndërsa pohuan se këto akte bien ndesh me parimet fetare dhe vlerat morale e njerëzore.
Autoritetet kanë shprehur gjithashtu ngushëllimet për familjet e viktimave, shoqëruar edhe me lutje për shërim për të plagosurit. /tesheshi.com/
