Bulizmi është një plagë e shoqërisë, e nisur vite më parë dhe e papërfunduar asnjëherë, edhe pse mesazhe e fushat të shumta sensibilizuese jepen kundër këtij fenomeni që e hasim rëndom në shoqëri.
Pasojat e bulizmit i ka pësuar Gavin Joseph, një djalosh me origjinë nga New Baden, në Shtetet e Bashkuara të Amerikës. Ai vuan nga sindroma Asperger, një lloj autizmi i lehtë.
Një grup të rinjsh e kanë vënë në shënjestrën e tyre dhe e kanë dhunuar. E kanë vënë në mes dhe e kanë rrahur me shqelma e me grushte, duke i shkaktuar një frakturë në hundë, një sy të ënjtur dhe disa pasoja në qafë.
Mirëpo, Gavin vendosi të mos i denoncojë moshatarët e tij dhunues, por u ka dhënë atyre një mësim që vështirë se do të mund ta harrojnë sa të jenë gjallë.
Dhunuesit, të cili djaloshi ka arritur ti identifikojë, duhet të shpjegojnë në një video prej 20 minutashm të gjitha karakteristikat e sindromës Asperger. Gjatë regjistrimit duhet të jenë të pranishëm edhe prindërit e familjarët e tyre.
“Jam shumë krenare për tim bir. Shpresoj që ky gjest të mund të shërbejë si një mësim edhe për fëmijët e tjerë”,- ka thënë nëna e Gavin, Cortnie Stone. /tesheshi.com/
