Është e qartë se karta e fundit që do përdoret për dyshen Berisha-Meta për t’i nxjerrë jashtë nga politika, do jetë e kaluara e tyre me njollë në komunizëm.
Ndërsa për të parin ka patur gjithnjë fjalosje se, si komunist e sekretar partie ka qenë dhe bashkëpunëtor i sigurimit, për të dytin, Metën, një fakt i tillë del së fundi pas nëj denoncimi ardhur nga ish-shoku i tij në klasës në studimet e larta.
Mazhoranca po përgatit një amendim të Ligjit mbi Dosjet, i cili pritet të zhbllokojë një pengesë ligjore për t’u futur në dosjen e një figure politike pas një denoncimi.
Më saktë, ajo që pritet të votohet do jetë kjo, sipas asaj se ç’po përgatitë mazhoranca për në shtator.
“Nuk mund të kandidojnë dhe as të zgjidhen deputetë në Kuvendin e Shqipërisë, kryetar bashkie apo këshilltar në këshillin bashkiak, dhe në çdo rast nuk mund të marrin një funksion me votim nga Kuvendi, përfshirë funksionin e Kryeministrit apo anëtarit të Këshillit të Ministrave, apo me votim nga këshillat bashkiakë ose të qarkut, personat të cilët provohen nga Autoriteti për Informimin mbi Dokumentet e ish-Sigurimit të Shtetit, se kanë qenë bashkëpunëtorë ose të favorizuar të ish-Sigurimit të Shtetit, sipas përcaktimeve të ligjit nr.45/2015 ‘Për të drejtën e informimit për dokumentet e ish-Sigurimit të Shtetit të Republikës Popullore Socialiste të Shqipërisë’.
Për ironi, kjo inisiativë vjen nga ata që vijojnë të akuzohen nga opozita në luftën e rëndomtë politike si pasues të Partisë së Punës.
Me gjasë, pas këtij zhvillimi qëndrojnë SHBA, e cila po përdor kartën e fundit për goditjen finale ndaj dyshes së papreferueshme për t’i parë më në politike apo për të patur raporte me ta. /tesheshi.com/
