Rafael Nadal është sërish numri 1 në botën e tenisit. Spanjolli 30 vjecar rikthehet në çatinë e botës së këtij sporti, i ndihmuar edhe nga rivali i tij historik, Roxher Federer.
Tërheqja e këtij të fundit nga pjesmarrja në turneun e Cincinnatit, i ka hapur rrugën Nadal për të rimarrë pozicionin e parë në renditjen botërore, vend të cilin e kishte lënë që nga viti 2014.
Spanjolli do ta fitonte këtë post që në turneun e Montrealit, nëse do të arrinte në gjysëmfinale, por një humbje nga një “kalama” as 18 vjecar, Shapovalov, i rrezikoi edhe ringjitjen në krye të klasifikimit.
Por një dhimbje në shpinë e Federer dhe pamundësia e tij për të luajtur në turneun e rradhës, ku zviceranit do i mjaftonte te kalonte 2 turne, për tu rikthyer ai si numri 1 në botë, i ka celur rrugën Nadal, për rikthimin e bujshëm.
Vitet e fundit spanjolli nuk e ka gjetur forcën dhe atletizmin e zakonshëm dhe kanë qenë vetëm turnetë e dheut, ato që e kanë “nderuar” për të bërë përpara në klasifikimin e tenistëve.
Për majorkezin tashmë “në moshë”, ishte një moment ideal rikthimi, pasi ish numri 1 i botës, britaniku Murrey është i dëmtuar, serbi Xhokovic prej muajsh është nën rikuperim, e së fundmi, Federerit “iu shpif” dhimbja e shpinës.
Me meritë apo për fat, Nadal është kthyer sërish më i miri. Rivalët e tij kanë punë për t’ia hequr fronin, edhe pse kur flitet për Federer, Xhokovic apo Murrey, asgjë nuk është e pamundur. Deri atëherë, rroftë “dora e vjetër”! /tesheshi.com/
