Libia po përgatitet për një fazë tjetër të luftës civile që e ka përgjakur vendin që prej vitit 2011 kur u rrëzua pushteti i Ghedafi-t.
Gjenerali Khalifa Haftar ka bërë të ditur se kanë dështuar negociatat për një marrëveshje me rebelët që kontrollojnë qytetin lindor të Dernas dhe tha se së shpejti do të ketë një mësymje kundër forcave antiqeveritare.
“Pasi nuk arritëm dot një marrëveshje sepse u kundërshtuan të gjitha ofertat tona, kam urdhëruar mësymjen dhe çlirimin e qytetit të Derna-s”, tha Haftar.
Dy ditë më parë, në një atentat bombë u vranë disa ushtarë qeveritarë në qytetin Ajdabiya. Atentati u mor përsipër nga dega e ISIS-it në Libi. /tesheshi.com/
