Kancelarja Angela Merkel nuk do preferonte qeverisje të pakicës. Ajo tha për median gjermane se do të preferonte zgjedhje të reja sesa të qeveriste në pakicë. Komentet e saj vijnë pas dështimit të bisedimeve për formimin e një qeverie koalicioni. Ajo tha se nuk kishte aryse pse të jepte dorëheqjen nga posti i saj, pavarësisht nga negociatat e dështuara.
Pas takimit me Presidentin gjerman Frank-Walter Steinmeier, 63- vjeçarja Merkel tha se ishte skeptike rreth vendimit për të qeverisur në pakicë. “Pikëpamja ime është se zgjedhjet e reja do të ishin rruga më e mirë”, tha ajo për televizionin ARD.
Sipas Merkel, pengesa kryesore për një marrëveshje mes tre partnerëve ishte emigracioni.
Kriza erdhi për shkak të largimit të kreut të partisë Demokratët e Rinj nga bisedimet për formimin e qeverisë. Christian Lindner tha se nuk ekzistonte baza e besimit për të të krijuar një qeveri me aleancën konservatore CDU-CSU dhe me Partinë e Gjelbër. /tesheshi.com/
