Ndërkohë që UEFA ka publikuar akuzat ndaj skuadrave të Kukësit dhe Legias së Varshavës pas incidentit në “Qemal Stafa”, tesheshi.com ka mësuar prapaskenat e vendimit që solli ndërprerjen e ndeshjes.
Siç mësohet ndërkohë që lojtari I dëmtuar polak Duda kërkoi vazhdimin e ndeshjes, gjyqtari zviceran vendosi ndërprerjen. Dëshmitarët në negociatat e zhvilluara në dhomat e zhveshjes theksojnë se vendimi ishte marrë që në Gjenevë dhe ishte hakmarrje ndaj vertiktit të CAS që hodhi poshtë dy vendime të UEFA-s për ndeshjen Serbi-Shqipëri.
Akuzat
UEFA ka njoftuar nisjen e hetimit për ndeshjen Kukësi-Legia Varshavë, e cila u luajt vetëm 52 minuta të enjten mbrëma në “Qemal Stafa”. Në këtë moment të kësaj kualifikueseje të turit të tretë të Ligës së Europës, një tifoz i paidentifikuar godet me një send të fortë sulmuesin e skuadrës polake, Duda, i cili shtrihet në fushën e blertë. Gjyqtari dhe zyrtarët e ndeshjes në fjalë, pas konsultimeve të rastit, vendosin që loja të mos vazhdonte më.
UEFA zbardh edhe akuzat që rëndojnë mbi klubin pritës, Kukësin, duke u bazuar në “Rregulloren e Ligës së Europës”.
– Ndeshja e braktisur – Neni 24 i Rregulloreve të “Europa League”, duke u nisur nga: hedhja e fishekzjarreve dhe / ose objekteve. Këto shkelje sportive janë të parashikuara qartësisht bashkë me ndëshkimet përkatëse në nenin 16 (2) (b) dhe (c) të Rregullave Disiplinore (DR).
Akuza e vetme ndaj Legias së Varshavës kanë të bëjnë me hedhja e objekteve në fushë, që i referohet Art 16 (2) (c) të DR. Ky rast do të trajtohet nga ana Trupa e Kontrollit, Etikës dhe Disiplinës pranë UEFA-s, në mbledhjen e radhës, më 3 gusht.
Prapaskenat
Zbulohen prapaskenat e ngjarjes që shënoi ndërprerjen për herë të parë të një ndeshje ndërkombëtare në stadiumet shqiptare.
Siç mësohet, gjyqtari zviceran, Stefan Klossner, ka zbritur në dhomat e zhveshjes me mendjen “top” për ta ndërprerë ekipin, ndërkohë që lojtari I goditur, Ondrej Duda, ka kërkuar vazhdimin e ndeshjes së bashku me kapitenin e Kukësit, Rrahman Hallaçi.
Njeriu që ka qenë dëshmitar I këtyre diskutimeve dhe ka ndjekur nga afër të gjitha negociatat pas ndërprejes së ndeshjes Kukësi-Legia, tregon për tesheshi.com gjithçka ndodhi në prapaskenë.
Është pikërisht gazetari, Defrim Methasani, I cili në një bisedë telefonike për tesheshi.com thekson se ka pasur një skenar për incident dhe ndëshkim.
“Gjithçka u pa qartë edhe nga media pranë kreut të UEFA-s, të cilët e kanë fryrë shumë ngjarjen”, thekson gazetari Methasani, I cili rrëfen se asgjë nga ajo që ndodhi mbrëmë s’mund të krahasohet me raste dhune dhe huliganizmi në stadiumet e vendeve të tjera. Rasti më I fundit është ai I Podgoricës ku tifozët e Mlladostit ishin më të dhunshëm.
Megjithatë gazetari I njohur I TVSH-së thekson se policia nuk duhet t’I kishte vendosur tifozët e Legias në shkallët përballë, por prapa portës siç ndodh përgjithësisht me tifozët problematikë. Ndërkaq Defrim Methasani deklaroi se gjyqtari nuk I ka rënë bilbilit për të mbyllur formalisht ndeshjen dhe si e tillë takimi Kukësi-Legia mund të quhet I papërfunduar.
“Kam qenë personi që kam ndjekur të gjithë ngjarjen pas ndërprerjes së ndeshjes, pasi ishta spikeri në stadium dhe ndiqja zhvillimet në dhomat e zhveshjes. Kam asistuar në kontaktet e gjyqtarëve me stafin dhe policinë private, Policinë e Shtetit dhe mund të them se kam parë angazhim maksimal nga ana e gjyqtarit për ta ndërprerë ndeshjen, dhe takimet e tjera kanë qenë thjesht të tensionuara dhe jo bashkëpunuese. Gjyqtari kryesor pati një zell të madh për tta marrë atë vendim. Vendimi I tij është përkrahur nga delegati holandez dhe jo nga vëzhguesi bullgar. Kapiteni I Kukësit, Rrahman Hallaçi, e ka cilësuar veprim të njëanshëm me dashje të gjyqtarit sepse pala e Kukësit, ka marrë përsipër të nxjerrë dhe tifozët jashtë, por gjyqtari nuk ka pranuar dhe në dhomat e zhveshjes të gjithë kanë qenë kundër, veçanërisht kapiteni I cili ka replikuar me gjyqtarin”, thekson Methasani I cili gjithsesi e ka një qëndrim të tijin për atë që ka ndodhur.
“Unë mund të them se ajo që ka ndodhur është pësimi dhe mësimi ynë. Kjo: për klubet, federatën, tifozët, të gjithë. Nuk mjafton vetëm loja e futbollit por duhet të kemi me vete edhe qytetarinë, të cilët duhet ta tregojmë përditë. Sepse tek ne e vogla bëhet e madhe”.
Dhe këtu Methasani bën një parashikim dramatik: “I frikësohem ndeshjes me Serbinë, jam I shqetësuar se mund të ketë probleme dhe provokatorë në stadumin e Elbasanit”.
/tesheshi.com/
