Nëse mendoni se do të kaloni fundjavën të mbyllur në dhomë si pasojë e një ndëshkimi që do t’ju japin prindërit dhe kjo ju duket e tmerrshme, ndoshta nuk e njihni historinë e Sofia Petrova, një vajzë amerikane me origjinë ruse, e cila jeton në Shtetet e Bashkuara bashkë me të ëmën dhe shokun e saj.
Kur Sofia ishte ende 15 vjeçe largohej shpesh nga shkolla dhe rrinte për ditë të tëra jashtë, pa lajmëruar në shtëpi tek familjarët e saj se ku ndodhej. Pra, bëhet fjalë për të njëjtat çapkënllëqe që bëjnë fëmijët në adoleshencë. Mirëpo, e lodhur nga sjellja e saj, e ëma e dërgoi Sofian në një udhëtim në Siberi për tre javë rresht, ku do të mund të kalonte disa ditë me të atin. Problemi i saj lindi tre javë më pas, kur vajza mësoi se nuk kishte asnjë biletë për t’u kthyer.
Duke qenë se Sofia kishte lindur në Rusi, nuk kishte se si të shkonte në Amerikë pa lejen e të ëmës, e cila nuk pranonte kthimin e saj. Historia e saj është treguar rreth një muaj më parë, kur vajza përdori rrjetin social për t’i treguar gjithë ngjarjen ish të dashurit të së ëmës, i cili e ka rritur si të ishte i ati.
As ai nuk kishte se si të mund të risillte Sofinë në Amerikë, por arriti që ajo të mund të shkonte për të jetuar tek prindërit e tij në Marok. Sot vajza nuk ka më raporte me të ëmën, por flet vetëm me të motrën dhe pret që një ditë të mund të shkojë sërish në Shtetet e Bashkuara./tesheshi.com/
